本地生活-衣食住行玩之 - 衣 [附2015更新按] @ Mr. Roo 袋鼠先生

本地生活

即係衣食住行玩啦.

先講玩

柏斯係完全無野玩既.

衣

一般真係必須既野都可以係bigw 等買到, 上文有提. 到底平到點呢? 例如一件正正常常既長袖棉質衫, 係bigw $4可以買到, 牛仔褲$9可以買到, 前排減價我$7買左. 你上www.bigw.com.au可以睇到有咩買同有咩減價.

點解大家都係亞洲人, 有的人一睇落去就知你係第度來定係本地大呢, 衣著係一個重點, 你係街會如果見到亞洲人, 會見到好多波點, 豹紋, 乎盧骨, 螢光大紅大紫黑底金邊, 真係polo牌既polo恤, 好靚料既羽絨褸, 好貴既手袋同好貴既波鞋. 呢的都係亞洲人好興既, 本地亞洲人唔會著因為一般本地人去既地方無呢的野賣.

點解有的亞洲人一睇就似本地大既呢? 因為有賣呢的款既地方唔係大型連鎖商場, 所以一般本地人好少去既, 平時係香港要去zara或者marks and spencer先買到既款, 其實係呢度係一般商場既target 或 bigw等就買到, 香港人買zara因為的款夠正常似正常西方人, 呢度人買包括我自己買呢的款其實就只係因為佢超平而我個人超孤寒.

初時來未搵到工果陣會成日都去city, 不過講真都無咩行, myer同david jones的野貴到痴線. 買隻白色玻璃碟都可以成千蚊, 係一隻喎. 而家好少行, 因為要返工而且唔順路, 而且無咩野要特別出去買, 好多華人開既飾物舖其實都係賣埋的旺角野, 但好貴.

而且我未見過呢度有LV店, 好似行過見過一間Gucci唔知有無記錯, nike店要出到去harbour town先有(by the way你可以試下去搵工), 一般香港人好中意既牌子呢度係大連鎖商場都係無既, 全部都要出city先有, 而本地人又好少特別出city買野既, 因為難泊車又貴, 而且唔需要特別去搵的所謂既名牌, 本地人買野係中意親自去摸下個質料既, 唔會因為你印多左個logo而俾多200倍去買同一個手袋, 呢度的人買野一係睇質料一係就買最cheap果隻, 唔興追名牌的, 你亦唔需要帶agnes b, 呢度無人知係咩來.

本地男人係唔中意shopping的.

對話小貼示:

你買野去俾錢的時候, 個收銀員會問你一堆野, 通常係問你俾cash or card, 如果你已經刷左張卡, 佢多數係問你crecit, check 定係savings. 如果你張唔係credit卡, 咁就通常都係check或者savings.

[2015附加按: 至於係check定savings呢, 就視乎你開戶既時候張卡/個戶口點set既, 如果你唔知, 可以就咁試下, 唔係check就係savings架啦. 亦有時如果你有兩個戶口, 例如一個係daily駛費一個係儲蓄既, 有時會係check鈕連去daily account而savings鈕連去儲蓄戶口, 你就要小心唔好按錯, 因為有時候你響儲蓄戶口提左錢出來, 果個月就唔會有利息俾你的. 唔清楚的話自己去銀行分行問.]

呢個會好常見, 寫出黎你有個準備, 唔駛連咁簡單的野都"下"來"下"去啦.