電話卡 [附2015更新按]－Mr. Roo 袋鼠先生

電話卡

呢度既電話任何plan或者儲值卡都係打電話者俾錢的, 收電話者講幾耐都唔駛錢. 你可以開張零credit既電話卡, 你打唔到俾人, 但人地打到俾你的.

一個本地電話號碼係好有用的, 你可以寫定你份CV印定出黎, 唔駛來到再買卡又等佢activate然後打番落CV然後又再搵地方俾錢印, 呢個係朋友經歷. 你甚至可以搵定某些工, 搵地方住, 同埋出發前俾定你屋企人, 總之你會一到步就有個本地電話號碼係方便好多的. 唔知你本身電話打唔打到長途, 但柏斯呢邊好多野都唔方便而且真係可以四野無人, 唔好諗住周圍有人俾你問野, 唔好諗住周圍有電話亭, 唔好諗住機場就乜都有唔好諗住24小時, 呢度個機場落後過泰國. 你想話問下公共交通既話一般本地人都係唔知的, 因為一般人都係自己渣車. 你有電話既話睇下係唔係3G, 2G既話基本上接收係好差的, 3G係OK, 如果你係香港買到next G 電話的話係收得最好的(但我諗買唔到), 呢度好多地方就算市區3G都係收得好差的, 要用next g先得, 尤其如果你會住既屋係金屬屋頂或者係郊區都好大機會會收得差, 另外無車係真係唔方便的.

電話卡你可以搵你已經到左既朋友買, 如果你無朋友, 可以私下搵我, 我唔會日日去但可以出開去的時候幫你買, 請預留多少少時間同埋話我知你幾時到步或者幾時要, 電話卡費同郵費當然係客下自己俾番, 我順路的可以幫你買telstra或者optus, 如果你真係想要vodafone都可以幫你買既, vodafone同3已經合併左做同一間公司, telstra收得最好, 如果你住得僻甚至去做農工, 一般都要telstra先收到, 一好多地方連telstra都收唔到要用衛星電話, 如果你想知你將會去既地方電話訊號, 你可以去www.telstra.com.au, 係佢個search欄度打"coverage map", 輸入你去既地方名或者post code, 佢就會有個地圖出黎, 你對番個顏色, 佢就會顯示俾你睇, 係一般3G收到, 定係next g收到, 定係連next g都收唔到要用衛星(衛星先收到其實無辦法).

呢度基本上間間電話公司都係貴而且服務唔好, 行入間舖唔好旨意佢用劉德華咁既服務態度對你, 係絕對唔會的. 如果你諗住上台開個新number佢會態度好一陣, 如果你只係要prepaid(預付)佢唔會好熱情的(如果佢好熱情一係你好好彩, 一係你好靚女), 如果你唔係永久居民一般來講你上唔到台, 都係要用prepaid.

如果你本身個電話收得唔好, 你可以行入telstra然後買有個藍剔logo既電話, 係郊區接收認可, 收得特別好的, 有平有貴, 但通常唔會係smart phone, 一般全球有賣既搶手smart phone都唔係為郊區接收而設的, 所以唔會收得特別好, iphone一般來講係接收得最好既smart phone. 你想知多的可以上www.telstra.com.au自己睇, 揀Prepaid, 然後揀phone或者handset(部手機). 注意prepaid既telstra電話通常係locked to to telstra的, 即係你日後如果想入張vodafone或者optus電話卡落去, 要另外俾錢unlock左先得. 但如果你買來都係為左有telstra接收力而電話又唔太貴的話無所謂啦. 同樣都唔好諗住行晒咁多間電話公司買部最平的機然後去另一間買張最平的卡, 因為prepaid機通常係lock的, 上台機就唔會lock因為你上得台佢都同你簽左約.

如果你想睇一部機收唔收到next G, 你可以睇下部機既網站或者個盒, 睇佢收唔收到850頻, 850係next G. 如果你係間店度搵唔到而你要買既電話又相對貴的話, 我會上網做左資料搜集先, 唔會話求其行入間野睇下邊部個樣靚就執佢番屋企. 如果你想睇多的電話technical info可以去www.gsmarena.com, 一般都會有頻率資訊既. (題外話4G都出左喇不過未普偏, 科技真係日新月異..)

費用:

郵費: 澳洲去香港, 信封size $1.90, 如果你趕要就當然自己加錢啦, 詳情自己睇www.auspost.com.au

電話卡費(telstra):

$2 - $0 無錢的, 只係要個電話號碼, 無錢唔可以打出但可以收電話, 你可以差唔多出發先自己用credit card增值, 唔駛出街的, 但你用開一張credit card要用番同一張, 否則要再登記的. 或者你可以來到既時候先去超市油站等買增值券, 我自己係用credit card ge. 如果你想到步前開張本地銀行卡下面會再講.
$20 - 有$20 值
$30 - 有 $2xx - $3xx 值

所以我一般都係用$30, 抵好多, $20唔夠用, 尤其你岩岩到, 好多電話要打, $30又用唔晒, 一般每個月我都有半個鐘以上可以打長途返香港.

一般都包上網.

optus 同vodafone唔清楚, 大家可以上佢地網站自己睇. 本人係用telstra既.