本地生活-衣食住行玩之 - 真係無野玩 [附2015更新按]－Mr. Roo 袋鼠先生

雖然呢度無咩好玩, 但呢度一般人中意睇既電視劇可以推介下, 可能你會更快習慣聽英文, 亦都同本地人多個話題.

喜劇類

two and a half men - 講一個單親爸帶住個本來七歲左右既小朋友, 因為離婚到去佢哥度寄住, 呢個爸係半個醫生來既, 但無人當佢係醫生, 佢哥係個唔駛做野但都勁有錢既作曲家, 一日到黑都係飲酒溝女既, 一個好辛苦做野但離婚分左半份身家無埋間屋既爸同個好好彩唔駛做又有錢既哥加埋個細路當然有笑料, 電視唔2邊個channel有做但係做到season 唔知9定幾, 由season 1 開始睇個小朋友係7-8歲, 係最近season佢已經係成年既靚仔(無錯套野拍左十年都有), 但個爛飲主角因為真人都變成咁既關係已經換左角色, 已經唔好睇, 你無野做、等食飯可以睇下. 而家係season break, 但你可以上網睇.

[2015按: 長過真情的十九幾個season終於收皮鳥.]

the big bang theory - 超好笑, 又係最好由season 1開始睇, 講一班毒男遇到隔離屋岩岩新搬來左個靚女, 毒男其實全部都係係大學做研究的博士來的, 得一個係頡士所以佢又成日俾人笑, 但成班都好叻的, 個靚女係幾靚既但超極膚淺, 夾埋好搞笑. 而家又係season break, 由頭開始幾個season我翻睇左幾次, 返到香港又同屋企人睇, 仲係好好笑. 新season無咁好笑, 1-2-3-4最好.

[2015按: 消失左.]

family guy 諷刺時弊既卡通片, 唔係俾小朋友睇的.

[2015按: 剛剛睇完十幾個season, 1993年出的frasier, 都幾好笑.]

認真劇

前排睇完fringe, 好似明珠台曾經有得睇, 好似叫F檔案, 係科幻故事.

有套好複雜既叫damages, 係由一個殺人案開始逐格講番轉頭, 一個新律師同一個老律師, 殺人同陰謀同法律之間既野, 超好睇, 認真劇, 第一個season最緊張, 基本上你睇第一集就會停唔到要睇晒成個season.

而家睇緊套the good wife, 律師+政壇角逐劇, 都係法庭舌劍唇槍畫面+政場棋盤, 幾好睇.

非劇集

如果你中意睇的野唔駛追, 睇又得唔睇又得, 又唔太無聊, 可以睇mythbuster, 佢係屬於discovery channel既一個系列, 但唔係好悶果的好正式果種, 比較似真人show果種節奏, 佢係會用一的科學既方法去試下究竟一的坊間既傳言係唔係真, 例如廁所用抹手紙係唔係比用風機乾淨等, 佢地會做唔同既setup然後會去測下每邊有幾多個細菌, 有時荷里活電影會有人係酒店跳落泳池逃走, 或者用冰造子彈等子彈穿入身體之後無晒證據, 或者係用血滴子採你個頭等, 佢地又會測試下究竟係有無可能.